Adrien Rabiot ka zbuluar se Gianluigi Buffon dhe Cristiano Ronaldo ishin fajtorët që e bindën të transferohet te Juvenusi.
Francezi tashmë ka përfunduar te klubi italian si lojtar i lirë nga Paris Saint-Germain.
Mesfushori ka luajtur me Buffonin te francezët sezonin e kaluar dhe mund të bashkohen sërish te klubi nga Torino.
“Ne kemi pasur disa kontakte me Juven në të kaluarën, por ishte një kohë tjetër në jetën time, një periudhë tjetër për mua”, shpjegoi 24-vjeçari.
⚪️⚫️2️⃣5️⃣⚪️⚫️@Adriien_Rabiiot pic.twitter.com/fcFtTSw8SR
— JuventusFC (@juventusfcen) July 2, 2019
“Tani ishte koha e duhur për mua që të vija këtu dhe për këtë jam këtu. Duhet t’ju them se në sezonin e kaluar kam folur shumë me Gigin. Ne patëm rastin të flasim dhe më dha shumë sugjerime dhe këshilla. Sigurisht, kemi biseduar shumë për Juventusin, ai e njeh ekipin dhe klubin shumë mirë”.
“Natyrisht ai ishte personi më i mirë me të cilin mund të flisja për këtë. Mendimi ka rëndësi për mua. Ai më tregoi shumë gjëra interesante rreth Juventusit, se nëse doja të bëja përparim të mëtejshëm në karrierën time, do të ishte mirë të transferoja”.
“Unë shpesh e dëgjova atë, sepse më ofroi këshilla të mëdha. Ai më bëri të mendoj [për Juve] me kujdes dhe ishte bindës”.
Më pas francezi u pyet rreth perspektivës për të pasur në krah Ronaldon, “Sigurisht Ronaldo është një kampion i madh, siç janë shumë të tjerë, kështu që ka luajtur një rol në vendimin tim”. /Telegrafi/