Aktorja e njohur shqiptare njëherësh deputetja nga radhët e Lëvizjes Vetëvendosje, Adriana Matoshi, u ka bërë thirrje të gjithëve që të dalin të votojnë.
Ajo ka bërë një video në rrjete sociale me anë të së cilës fton qytetarët që ta bëjnë ndryshimin e të votojnë për ardhmërinë e familjeve të tyre.
Ajo thekson se kanë mbetur edhe pak orë deri në mbylljen e votimeve, ndërkohë që secili prej nesh duhet ta kryejë obligimin.
“Të dashur qytetarë është momenti të tregojmë veten me votu për ndryshimin. Katër vite nuk janë të vogla për një të ardhme shumë të mirë. Deri në orën 19:00 keni kohë me dal me tregu veten edhe me bë ndryshimin”.
“Votoni për ardhmërinë e familjeve të juaja. Ju dua shumë”, ka thënë Matoshi.
Duhet theksuar që deri në orën 15:00, në Prishtinë kanë votuar 27.15%.
Votues në raundin e dytë në zgjedhjet lokale janë: 1,260,571 në 21 komuna, ndërsa 575 qendra votimi, 1,638 vendvotime. /Telegrafi/