Në shtetin turk kishte lulëzuar një romance mes një shkrimtari dhe një modeleje.
Bëhet fjalë për lidhjen mes shkrimtarit Metin Haras si dhe modeles braziliane, Adriana Lima.
Pas një vere tejet të nxehtë mes dyshes, çifti ishte raportuar se janë ndarë pasi që zeshkania kishte vendosur që të kthehet në atdhe.
Megjithatë, jo gjithçka ka përfunduar mes tyre pasi që turku sërish ka publikuar një fotografi në krah të bukuroshes.
Në fakt, 36-vjeçari ka udhëtuar deri në shtetin amerikan për ta takuar të dashurën, ku edhe kanë bërë një foto selfie në Manhattan të New Yorkut.
“Inkurajim i vërtetë për një burrë është të donë shenjat e saj”, ka shkruar përbri imazhit Hara teksa duket tejet i lumtur në krah të Limës gjersa në një tjetër, “Takim me zonjën time të dashur”.
Ndryshe, dyshja është duke punuar ndaras në projekte të ndryshme të modës dhe filmave. /Telegrafi/