Skena me të vërtetë të llahtarshme e të tmerrshme vijnë nga qyteti i Durrësit e më saktësisht nga zona e plazhit tek Gjiri i Lalzit.
Një vajzë ka rënë pa ndjenja në rërë, në mes të dhjetëra njerëzve që ishin të pranishëm në plazh, ndërsa djali i cili e shoqëronte jo vetëm që nuk e ka ndihmuar, por e ka sharë dhe qëlluar me shqelma. Pamjet janë të rënda dhe tronditëse. Siç raporton një nga të pranishmet në vendngjarje, vajza ishte dehur dhe nuk po reagonte, ndaj ai nisi ta shante, ta ofendonte, ta tërhiqte zvarrë dhe e hodhi në det, ku edhe e goditi me shqelma.
“E trajton ashtu sepse ajo nuk ngrihej. Sepse po i shihnin te gjithë. Kur ne ju thamë ti jepnim ujë dhe te ulej, ai na tha a po shihni punën tuaj. Në drekë tek lokali i plazhit te Gjiri i Lalzit. Kjo ka ndodh rreth orës 2 te drekës. Ndërhyn njerëz por ai i shante me fjalët më të ndyra. E ke dhe te njëra nga videot qe një djalë po mundohej dhe ky ju kthye keq fare, me te shara. Para se ta merrte policia ky u rrah me një familjar. Arsyeja Zotëria i tha: mjaft me këto skena se kam grua e fëmijë këtu dhe ky tipi i tha : te … Gruan.”, -ka treguar për Jeta osh Qejf e pranishmja në vendngjarje.
