Adnan Januzaj do të largohet nga Sevilla gjatë afatit kalimtar dimërorë.
Sulmuesi kosovar nuk bën pjesë në planet e trajnerit Diego Alonso dhe largimi në janar duket i pashmangshëm.
28-vjeçari këtë edicion ka luajtur vetëm një ndeshje duke qëndruar në fushë për vetëm 25 minuta.
Në përpjekje për të rigjallëruar karrierën e tij dhe për të kërkuar një ekip të ri që do t’i ofrojë mundësi, Adnan Januzaj ka vendosur të ndryshojë agjencinë e tij përfaqësuese.
Sipas raportimeve nga Besoccer Sevilla , futbollisti i ka dhënë fund lidhjes me Rafaela Pimenta, agjentja që trashëgoi kompaninë e Mino Raiolës dhe i është bashkuar Promoesport.
Kjo lëvizje strategjike e Januzajt është që me agjentët e ri të punojnë për t’i gjetur një skuadër në afatin kalimtar të janarit.
Nuk përjashtohet mundësia e një rikthimit të tij në Ligën Premier, ku Evertoni ka shprehur interesim për të. /Telegrafi/