Këngëtarja ka treguar për Telegrafi.com se ajo do ta fokusojë energjinë e saj për të nxjerrë një kënge të re, tash pasi është liruar nga provimet, të cilat i kanë marrë shumë kohë. Kënga, e cila ende nuk ka titull, pritet ta lansohet gjatë xhirimeve të Vitit të Ri.
“Jam duke punuar në realizimin e një kënge të re për xhirimet e vitit të ri. E të shohim, vitin e ardhshëm do të ketë ndonjë videoklip, patjetër”, është shprehur këngëtarja Adelina Emini.
Pavarësisht se me profesion është ekonomiste, ajo thotë se e do edhe muzikën, dhe deri tash ka të realizuara katër këngë, të cilat sigurisht se do të shtohen së shpejti.
Adelina po ashtu ka kujtuar kohën kur garonte në spektaklin e zbulimit të talenteve, “Ethet e së premtes” ku arriti deri në gjysmëfinale. Ajo ka thënë se pjesëmarrja në këtë garë muzikore në Shqipëri ka qenë një eksperiencë e rëndësishme për të dhe shtytje për ta vazhduar karrierën muzikore. /Telegrafi/