Edhe një këngë e re pritet t’i bashkohet numrit të madh të tyre që janë publikuar kohët e fundit në tregun muzikor shqiptar.
Adelina Berisha tashmë ka bërë të ditur se së shpejti do të sjell këngën më të re para fansave.
Në një prononcim për Telegrafin, bukuroshja ka treguar disa prej detajeve të këngës dhe me kë ka bashkëpunuar.
“Jam e kënaqur me bashkëpunimin. Jam e bindur se kemi bërë një punë të mirë dhe se do ta pëlqen publiku. Por, kjo nuk do të jetë befasia e fundit për këtë vit. Kam planifikuar dhe disa këngë të tjera që t’i realizoj”, pohoi ajo.
Këngëtarja ka treguar se tekstin e këngës e ka shkruar Petro Xhori gjersa e ka kompozuar Irkenc Hysa.
Videon e këngës e ka realizuar Pro Video gjersa xhirimet janë bërë në kryeqytetin shqiptar të Tiranës.
Ndryshe, videokënga më e re e biondinës do të publikohet gjatë kësaj fundjave, përkatësisht ditën e shtune. /Telegrafi/