Autori i golit të vetëm të Cityt ishte përforcimi i verës Emmanuel Adebayor, i cili pranoi një top nga Carlos Tevez brenda zonës në minutën e 17-të të lojës. Me tre pikët e reja City mbledh nëntë pikë, maksimalisht, nga tre ndeshje në Ligën Premier.
Fitore minimale prej 1-0 ka shënuar edhe Hull City në fushë vendore ndaj Bolton Wanderers, derisa Birminghami ka barazuar pa gola para tifozëve të vet ndaj Stoke Cityt.
Prej ndeshjeve tjera, Sunderlandi ka arritur të rikthehet nga disavantazhi 1-0 për të shënuar fitore 2-1 ndaj Blackburnit në fushë të vet. Për Blackburnin shënoi Gael Givet pas 21 minutash lojë, ndërsa fitoren ekipit të Lorik Canës ia solli Kenwyne Jones me të dy golat e shënuar (32’, 53’).