Adam Driver mezi mbajti lotët pasi ai dhe Michael Mann morën një duartrokitje prej gjashtë minutash në premierën botërore të filmit të tyre të ri “Ferrari”.
Aktori 39-vjeçar luan pilotin legjendar dhe themeluesin e ekipit të garave Scuderia Ferrari Grand Prix Enzo Ferrari në filmin biografik të drejtuar nga Mann.
Të dy morën pjesë në një shfaqje të filmit në Festivalin e Filmit në Venecia të enjten.
Sipas Variety, para fillimit të filmit, Driver dhe Mann u mbushën me një ovacion prej gjashtë minutash.
Pas përfundimit dramatik të filmit, pamjet tregojnë Driver i cili mezi mbajti lotët.
Adam Driver looked teary after the tragic finale of #FerrariMovie as #VeniceFilmFestival showered the movie with a 6-minute standing ovation. pic.twitter.com/pFMVFnb5oE
— Ramin Setoodeh (@RaminSetoodeh) August 31, 2023
Pastaj Mann e ndihmoi të ngrihej në këmbë dhe të dy morën një tjetër duartrokitje.
Në film luajnë gjithashtu Hugh Jackman, Penelope Cruz, Patrick Dempsey dhe Shailene Woodley, dhe “Ferrari” bazohet në biografinë “Enzo Ferrari: The Man and the Machin”, shkruar nga Brock Yates.
E vendosur në vitin 1975, drama tregon historinë e jetës së një manjati automobilistik, familja e të cilit ripërcaktoi idenë e një makine të fuqishme sportive italiane dhe në thelb zhvilloi sportin e Formula 1. /Telegrafi/
