Nënkryetari dhe kandidati i AAK-së për deputet, Gazmend Abrashi në emisionin “Rrokum Roll” ka folur për projektet makro ekonomike që parasheh programi i Aleancës Për Ardhmërinë e Kosovës, me të cilën kjo parti garon në zgjedhjet e 11 qershorit.
Sipas Nënkryetarit të AAK-së Gazmend Abrashi, Kosova tash duhet të merret edhe me projekte makro ekonomike, të cilat do ta zhvillonin vendin.
Ai thotë së Qeveritë e kaluara kanë humbur kohë duke mos u marrë e as menaxhuar projektet afatgjate për zhvillimin e vendit.
Kandidati i AAK-së për Deputet në Kuvendin e Kosovës deklaron se Qeveria e Ramush Haradianjt do t’iu jap prioritet këtyre projekteve.
“Një kohë të madhe, pas viti 1999, e kemi humbur ne rikonstruktimin e shteti të ri. Si rezultat e kemi menaxhuar mikroekonominë e Kosovës. Tash ka ardhë kohë për ekonomikë makro. AAK ka paraparë disa projekte afatgjate deri në 50 vjet”, tha Abrashi në “Rrokum Roll” me Fidan Jupollin.
Gazmend Abrashi, po ashtu, gjatë emisionit ka elaburuar disa nga projektet ekonomike, afat gjate, të AAK-së. Në mesin e tyre edhe projektin për ndërtimin e një hekurudhe që lidhë Fushë Kosovën me Durrësin dhe projektet për ‘Trepçën’.
https://www.youtube.com/watch?v=cej4eCIrGBs