Organizata Kombëtare e Spanjës për Transplant ka njoftuar se hapur hetime për të sqaruar nëse ka pasur ndonjë lloj parregullsi rreth transplantimit të mëlçisë që iu nënshtrua Eric Abidal.
Garda Civile dhe Policia Kombëtare e Spanjës kanë zbuluar të paktën katër thirrje telefonike në të cilat ish-presidenti i Barcelonës, Sandro Rosell e pranon që ka “blerë një mëlçi të paligjshme” për ish-lojtarin, tani sekretarin teknik të klubit Eric Abidal.
Ky i fundit ka reaguar përmes njoftimi për mediat duke hedhur poshtë spekulimet se në mënyrë të paligjshme ka siguruar mëlçinë.
“Fondacioni Eric Abidal mbron me ndershmërinë të plotë të gjithë ata që janë përfshirë në këtë proces, për të cilët Eric Abidal shpreh admirimin e madh dhe mirënjohje të jashtëzakonshme, sidomos donatorit, kushëririt të tij, Gerard”, shkruan në deklaratën e fondacionit.
Gjithashtu ka reaguar edhe klubi kataluans duke mohuar kategorikisht raportimet e mediave rreth kësaj afere.
“FC Barcelona mohon çdo fakt të parregullt në transplantimin e mëlçisë ashtu siç ka bërë pala e interesuar dhe Klinika Spitalore”, shkruan në njoftimin e klubit spanjoll.
Në një informacion të botuar nga El Confidencial zbulohet se ish-presidenti i katalunasve të ketë biseduar me një personin të identifikuar si “Juanjo”, nga i cili bleu mëlçinë për francezin pasi mposhti kancerin në vitin 2011. /Telegrafi/