Kryetari i LDK-së Lumir Abdixhiku është përplasur me analistin Dibran Hoxha derisa kanë debatuar për rolin e kësaj partie në opozitë.
Abdixhiku thotë se është e rrallë që ata kanë arritur të grumbullojnë rreth 8 mijë pjesëmarrës në Konventën programore.
“Pra tetë mijë pjesëmarrës për program e jo për protestë. Jo kundër diçkaje, por për diçka”, ka deklaruar Abdixhiku në RTV Dukagjini.
“Nuk bëni protesta z.Abdixhiku”, ishte reagimi i menjëhershëm i Dibran Hoxhës.
“Edhe kjo është një sjellje institucionale e përgjegjshme”, i është përgjigjur i pari i LDK-së.
“Por jo të hiqni dorë komplet nga kundërshtia, sepse po flisni pak si i dëshpëruar. Ju thatë se po na vjen një autonomi që s’mund ta ndalim. Cili është ai opozitar që dorëzohet para një të keqeje i vjen Kosovës”, i është kundërpërgjigjur Hoxha.
Analisti më pas tha se Abdixhiku po përgatitet për një opozitë të gjatë.
“Nuk jam i dëshpëruar por i shqetësuar. Nuk i kam antenat e drejtuara drejt pushtetit, por më brengos fati i këtyre njerëzve”, ishte kundër reagimi i të parit të LDK-së.
Derisa analisti thotë se nuk është e drejtë të etiketohen me atë gjuhë.
“Narracioneve populiste s’mund të iu përgjigjemi pos me punë”, shtoi tutje i parti i LDK-së./Telegrafi/
