Deputeti i LDK-së, Lumir Abdixhiku ka reaguar rreth idesë për rrënimin e objektit të Gërmisë në Prishtinë.
Abdixhiku përmes një postimi në Facebook ka thënë se kjo është një ide bizare. Ai ka shtuar se do të angazhohet personalisht që kjo ide të mos realizohet.
Postimi i plotë:
Ideja e rrënimit të objektit të Gërmisë në Prishtinë më duket bizare veç si ide; veç si mendim është i trishtë – lëre më shumë.
Prishtina nuk ka shumë objekte që bartin historinë e kryeqytetit; që janë ikonë e një kujtese kolektive. Rrënimi i atyre pak shenjave të mbetura sot është në rastin më të thjeshtë naivitet, në rastin më të rëndë mbrapshtësi – tipike me logjikën “prish shtëpi e ndërto hajat”. Kryeqyteti ka hapësira të tjera plot për ndërtesë të re koncertale. Pse u dashka mu kjo?! Qytetet moderne bëjnë sot çmos të prezervojnë secilën shenjë historike që kanë. Ne, ndërsa, me të parën – ta rrënojmë!
Do të angazhohem personalisht, që kjo ide të vdes me fillim.