Zyra e zëvendëskryeministrit të Malit të Zi, Dritan Abazoviq i dërgoi një letër kryetarit të Komunës së Tuzit, Niko Gjeljoshaj dhe e ftoi atë në një dialog, mësoi “Vijesti“.
Qeveria ka shprehur gatishmërinë për të zhvilluar bisedime sa më shpejt të jetë e mundur, në një kohë që i përshtatet Gjeloshaj. Në letër thuhet se dialogu do të zhvillohet brenda institucioneve të sistemit.
Ndërkohë, policia malazeze ka ndërhyrë në qytetin shqiptar të Tuzit për të shpërndarë qytetarët që kanë bllokuar rrugët nacionale.
Policia është duke pritur në gjuhën shqipe urdhër për arrestimin e Gjeloshajt. Ky i fundit më parë tha se nuk e kuptonte urdhrin e shkruar në gjuhën malazeze.
Bllokimi i rrugës kryesore në koordinim me Shërbimin Komunal Tuzi u përmend si arsye për arrestimin e Gjeloshajt.
Kujtojmë se këtë mëngjes, pak para orës 9, policia erdhi në Tuz për të mbyllur objektet e hotelierisë. Gjeloshaj akuzoi qeverinë për një vendim politik dhe “hakmarrje për shfaqjen e flamujve të Kosovës dhe Shqipërisë në ndërtesën e komunës”. /Telegrafi/
