Vendimi i Qeverisë së Malit të Zi për ndryshimin e vendimit për kriteret për marrjen e shtetësisë malazeze do të anulohet, tha zëvendëskryeministri Dritan Abazoviq.
Vendimi do të anulohet pasi nuk ka marrë pëlqimin e Ministrisë së Punëve të Brendshme.
Ai apeloi Qeverinë që të mos marrë vendime që mund të jenë të dëmshme në mandatin teknik.
“U bëj thirrje kolegëve të mos marrin vendime në mandatin teknik që mund të jenë të dëmshme dhe irrituese. Mos të punojnë si Partia Demokratike e Socialistëve, ku kishin mbushur institucionet, harxhuar rezerva buxhetore”, tha Abazoviq.
Vendimin për kriteret e marrjes së shtetësisë malazeze Qeveria e ka marrë në një mbledhje elektronike gjatë seancës së Kuvendit, në të cilën është diskutuar për mocionin e mosbesimit ndaj Qeverisë, e cila u miratua dhe u shkarkua kryeministri Zdravko Krivokapiq. /Telegrafi/