Deputeti i AAK-së, Besnik Tahiri, njëherit sekretar i përgjithshëm i kësaj partie tha se para 22 vitesh, Ramush Haradinaj, bashkë me një pjesë të lidershipit luftës themeloi AAK-në.
Tahiri përmes një shkrimi në faqen e tij në facebook, është shprehur se Haradinaj në atë kohë vendosi themelin dhe urat për shumë procese dhe zhvillime politike.
“Në vitin 2000, ishte koha kur të tjerët po i fryenin ndarjeve, përplasjeve e polarizimeve politike, në ‘theqafje’ deri në pambarim. Në atë kohë, Haradinaj themeloi Aleancën, me vizonin e qëndrushmërisë politike, bashkimit, tolerancës, dhe mbi të gjitha, shtetformimit. Edhe kësaj radhe, Haradinaj, vendosi kauzen mbi inatet dhe ideologjitë”, theksoi Tahiri. /Telegrafi/
