Mund të ju duket e çuditshme por Mehmet Tahiraj, 98 vjeçar nga Drenasi ka arritur që ta agjëroj edhe këtë muaj të Ramazanit. Kështu bëhen 85 herë që Tahiraj ka agjëruar gjatë jetës së tij.
“Namaz jam munduar me bë gjithmonë, që nga mosha 14 vjeçare kam filluar me agjërua”, shprehet për RTV Dukagjinin, i moshuari nga Drenasi.
Përkundër moshës, Mehmeti ndjehet i fortë, dhe thotë se s’ka ndie asnjë vështirësi, madje edhe ka kryer edhe punë gjatë agjërimit.
“Nuk më ka ardhur zor hiç, në verë kemi agjëruar, kemi korrë dhe kemi kositë në Ramazan”, shprehet Mehmet Tahiraj.
Ai shpesh herë del edhe të falet në xhaminë që nuk është edhe afër shtëpisë së tij./Telegrafi/
