Gratë kërkojnë përkushtim dhe vullnet politik më të madh në zbatimin e barazisë gjinore. Ato kërkojnë strategji afatgjate që do t’i garantojnë të drejtat e tyre. Edhe këtë “8 mars” asgjë nuk ka ndryshuar thonë ato.
“Më vjen keq që ligji për ndërprerje të shtatzënisë, ligji për diskriminim, për mbrojtje sociale ende nuk është sjellur. Më vjen keq që në 43 komuna nuk ka ende gjinekologë. Fakti që mbi 60% e grave nuk janë aktive në tregun e punës edhe pse janë magjistre dhe doktore të shkencës. Është për të ardhur keq që shteti nuk ndan kapacitete njerëzore, financiare, teknike që me të vërtetë ta përmirësojnë barazinë gjinore dhe të drejtat e grave”, Sneska Iliq – Platforma Për Barazi Gjinore
“Iniciativa e grave rome” akuzon Kuvendin që e anashkalon ligjin për mbrojtje nga diskriminimi.
“Jemi të zhgënjyer që Kuvendi mbrëmë e ka injoruar ligjin për mbrojtje nga diskriminimi. Ky ligj I përfshin të gjithë dhe jo vetëm pakicat dhe grupet e margjinalizuara. Kërkojmë urgjentisht dhe menjëherë që deputetët të kenë guxim dhe të sjellin ligjin për mbrojtje nga diskriminimi”, deklaroi Sanja Bekir Halim.
Disa gra thonë se u ka ardhur në majë të hundës nga premtimet pa asnjë veprim.
“Presim që shteti përfundimisht të investojë mjete dhe resurse dhe t’i sigurojë supozimet institucionale për atë që është vendsour në ligje dhe politika. Të fillojnë të realizohen dhe të kemi ndryshime reale në jetën e grave, në vend që ato të jenë vetëm në letër”, tha Marija Savova – Aksioni “Zdruzhevska”
Me parullat “Nuk duam lule, duam të drejta” dhe “A është i lumtur 8 marsi”, qindra gra sot marshuan nga parku i “Gruas luftëtare” deri në Sheshin “Filipi i dytë”, duke shënuar kështu 8 Marsin, Ditën e gruas.
Qëllimi i marshit është rritja e vetëdijes publike, për pozitën e pabarabartë të gruas në shoqërinë tone. Në këtë marsh mori pjesë edhe ministrja e Punës dhe politikës sociale e cila premtoi dhe tha se ka vullnet politik që ligji për mbrojtje nga diskriminimi të kalojë./Tv21/
