Një aksident shumë fatkeq ndodhi në fillim të kësaj jave që kishte të bënte me një sedan Toyota argjendi dhe një burrë 77-vjeçar.
Fatmirësisht, askush nuk u lëndua seriozisht, por autolarja në qarkun Montgomery me siguri do të ketë nevojë për një rindërtim serioz në javët e ardhshme, transmeton Telegrafi.
Kamerat e sigurisë e kapën momentin kur ndodhi rrokullisja e makinës brenda objektit.
Sipas zyrtarëve lokalë, burri aksidentalisht shtypi pedalin e gazit në vend të frenave dhe Toyota e tij u nis me nxitim siç shihet në video dhe u rrokullis brenda ndërtesës.
Si pasojë e aksidentit, që ndodhi në autolarjen Wave Car Wash në Colmar Pensilvani, shoferi mbeti i bllokuar brenda makinës për rreth një orë e gjysmë përpara se shërbimet e urgjencës ta shpëtonin.
Një raport nga 6abc.com thotë se burri u dërgua menjëherë në një spital lokal me një këmbë të lënduar, megjithëse gjendja e tij e përgjithshme është e qëndrueshme.
Car flipped during wash at Wave Car Wash in Colmar. When authorities arrived, they found a 77 y.o. man’s foot pinned under the car— it took rescuers 90 minutes to free him. Hatfield Twp. Fire Marshal says this is the first time he’s ever responded to a call like this. @6abc pic.twitter.com/zAxHxoivrO
— Sharifa Jackson 6abc (@SharifaJackson) January 3, 2023
E njëjta gjë ndoshta nuk mund të thuhet për Toyota-n, e cila pësoi dëmtime serioze në parafangun e përparmë të djathtë. /Telegrafi/