71 raste pozitive me COVID-19 janë konfirmuar në 24 orët e fundit në Shqipëri.
Kurse vijon të rritet numri i shtrimeve për personat që kanë nevojë për trajtim spitalor.
“Gjatë 24 orëve të fundit janë kryer 327 testime për të dyshuar të prekur me COVID-19 nga të cilat janë konfirmuar 71 raste pozitive, kryesisht raste të reja si dhe kontakte të rasteve të konfirmuara më herët pozitive. Aktualisht në shërbimin infektiv po marrin shërbim 78 pacientë, 10 prej tyre janë në terapi intensive ndërsa 1 janë të intubuar”, njofton Genta Qirjako nga Instituti i Shëndetit Publik.
Në 24 orët e fundit është shënuar një tjetër viktimë, duke e çuar numrin në total të humbjeve të jetës në 44.
“Një 62 vjeçar nga Tirana ka ndërruar jetë në spitalin infektiv, i intubuar”, njofton ajo.
Listës të të shëruarëve i janë shtuar edhe 8 qytetarë, duke e çuar në 1,134 numrin e të shëruarëve që nga fillimi i pandemisë. /Telegrafi/
