Gjeravica, është maja më e lartë në Alpet Shqiptare, me 2.656 metra lartësi mbidetare.
Të ngjitesh në maje të këtij vendi të bukur të Kosovës, përveç kënaqësisë të servohet edhe lodhja e sfida të tjera gjatë udhëtimit.
Por siç duket, për dikë si Fiari Gjikolli, ngjitja në 2.656 metra lartësi, është sfidë e përballueshme.
Ai është vetëm 7 vjeç, dhe ia ka dalë mbanë ta shkelë majën e Gjeravicës.
Fiari i cili është anëtari më i ri i Shoqatës së Bjeshkatarisë “Gjeravica”, në moshën pesë vjeçare kishte shprehur dëshirën e madhe për t’u ngjitur në këtë vend, por gjatë rrugës ishte detyruar të kthehet. Tani dëshira e tij është plotësuar.
Ndërkaq, Shoqata e Bjeshkatarisë “Gjeravica”, ditë më parë ka festuar 90 vjetorin e themelimit, duke e shënuar këtë datë me një manifestim që ishte mbajtur në Boge të Rugovës.
Në këtë manifestim janë kujtuar shumë anëtarë të Gjeravicës, numri i të cilëve nga viti i themelimit 1928 ka shkuar në 12 mijë e 800 anëtarë. /Telegrafi/
