Në një deklaratë të shpërndarë nga zyra e EIB, thuhet se qeveria shqiptare ka nënshkruar këtë kredi, me qëllim rehabilitimin e rrjetit sekondar dhe lokal të rrugëve në vendin tonë.
“Me një shumë totale prej 50.000.000 ky është operacioni më i madh financimin nga BEI i nënshkruar ndonjëherë në Shqipëri”, thuhet në deklaratë. Nënshkrimi i marrëveshjes është bërë nga përfaqësuesja e EIB Dario Scannapieco, zv/presidente përgjegjëse për operacionet në Itali, Maltë dhe në Ballkanin Perëndimor, si dhe nga ministri jonë i Financave, Ridvan Bode.
Projekti është pjesë e një programi të vazhdueshëm për rehabilitimin e 1500 km rrugë dytësore dhe lokale në të gjithë vendin e cila përfshin projektimin, ndërtimin dhe mbikëqyrjen në Shqipëri. Kostoja totale e këtij projekti është rreth 140 milion euro, bashkëfinancuar nga Komisioni Evropian dhe Banka Evropiane për Rindërtim dhe Zhvillim.