Shumë analistë presin një vit tjetër të madh për Apple me serinë iPhone 13.
Dhe një sondazh i ri i kryer nga SellCell (nëpërmjet 9to5Mac) zbulon se 44% e pronarëve aktualë të iPhone në SHBA planifikojnë të kalojnë në një nga modelet e reja të iPhone 13, përcjell Telegrafi.
Nga katër opsionet e ndryshme (iPhone 13, iPhone 13 mini, iPhone 13 Pro dhe iPhone 13 Pro Max), iPhone 13 ishte modeli më i popullarizuar i ndjekur nga iPhone 13 Pro Max.
Sondazhi, në të cilin janë përgjigjur 3,000 përdorues amerikanë të iPhone të moshës 18 vjeç e lart, zbuloi gjithashtu se nga veçoritë e reja që pritet të shfaqen në disa ose të gjitha njësitë e iPhone 2021, ekrani me ndryshim i shkallës së rifreskimit 120Hz është ai që blerësit e ardhshëm e presin me padurim.
Përgjigjet gjithashtu treguan se klientët janë më pak të ngazëllyer për opsionet e reja të ngjyrave, një procesor më të shpejtë, karikim pa tel dhe lidhje Wi-Fi 6E, me këto karakteristika të mundshme që favorizohen në më pak se pesë përqind të përgjigjeve të sondazhit.
Ndryshe, ngjarja e madhe e Apple është sot, 14 shtator, dhe një iPhone i ri është i sigurt që do të udhëheqë paradën e pajisjeve që Apple do të shfaqë. /Telegrafi/