Me fjalët përfundimtare të të akuzuarve në rastin “Transportuesi”, sot në Gjykatën Penale ka përfunduar procesi gjyqësor që ka të bëjë me transportin e nxënësve në Komunën e Manastirit.
Aktgjykimin për të akuzuarit do ta shqiptojë gjykatësja Dobrilla Kacarska, më 31 mars (të martën), përcjell Telegrafi Maqedoni.
Në pritje të aktgjykimit të shkallës së parë, ajo që më shumë i shqetëson të akuzuarit, janë harxhimet e shumta që duhet t’ua paguajn avokatëve, të cilët sipas disa përllogaritjeve arrijnë edhe disa milionë denarë.
Ndryshe, në rastin “Transportuesi” përveç ish-kryetarit të Manastirit Vlladimir Taleski, të akuzuar janë edhe ish-sekretari i komunës Sllobodan Bonçanovski dhe 19 persona tjerë, drejtorë të shkollave të mesme dhe fillore, si dhe drejtues të kompanive transportuese./Telegrafi/