Komuna e Prishtinës ka ndërmarrë një varg masash që edhe me tutje niveli i inkasimit të tatimit në pronë të shënoj rritje.
Rritja e nivelit të inkasimit të tatimit në pronë, ndikon drejtpërdrejt në rritjen e buxhetit komunal dhe rrjedhimisht edhe në përmirësimin e shërbimeve ndaj qytetarëve dhe në ndërtimet publike, si në ndërtimin e rrugëve të reja, trotuareve, objekteve të reja shkollore dhe të qendrave të mjekësisë familjare.
Komuna e Prishtinës në fillim të këtij viti, ka bërë uljen e tarifave të tatimit në pronë.
Qëllimi i këtij vendimi është që qytetarëve të kryeqytetit t’iu krijohen mundësi me të lehta për të paguar tatimin në pronë, njofton Zyra për informim pranë KK Prishtinë./RTK/