Reperi i njohur 2po2 është për momentin një nga reperët më aktiv në diskografinë shqiptare.
Ai ka bërë të ditur se me datë 1 janar të vitit 2017 do të nxjerrë në shitje albumin e tij më të ri “2020”, gjersa ka publikuar edhe datat e videoklipeve të këngëve të albumit.
Një nga videoklipet e “2020” vjen këtë të shtunë, dhe është kënga me titull “Palaço” në bashkëpunim me Ermal Fejzullahun.
Lajmin për këtë gjë e ka bërë të ditur vet reperi përmes rrjeteve sociale, teksa ka publikuar në Instagram një prej fotografive të klipit.
“Palaço” është punuar nga Mixey, tekstin e ka shkruar 2po2, teksa për videoklipi janë kujdesur Max Production.
Mbetet të shihet se si do të rezultojë bashkëpunimi interesant mes dy artistëve, të cilët i përkasin rrymave të ndryshme muzikore. /Telegrafi/