Reperi i mirënjohur 2po2 është mjaft produktiv kohëve të fundit në muzikë. Vetëm pak kohë më parë ai ishte pjesë e bashkëpunimit shumë të suksesshëm “Lejla” me Capital T dhe Elvanën.
Megjithatë, përmes rrjetev sociale reperi ka treguar se nuk e ka ndër mend të ndalet me kaq, kjo pasi ai mendon që shumë shpejt të sjellë në treg albumin e tij më të ri me titull “2020”.
Ai ka publikuar në llogarinë personale në Instagram një fotografi, përmes së cilës ka treguar se këngët e publikuara deri më tani nga albumi “2020”, kanë arritur shifrën e 28.8 milionë klikimeve në kanalin YouTube.
Ky sukses i jashtëzakonshëm duket të ketë qenë një shtysë e madhe për reperin, i cili është në përfundim e sipër të albumit të tij më të ri, për të cilin është duke punuar në studion e “Authentic Entertainment”. /Telegrafi/