Janë 26.060 shqiptarët që gjatë vitit 2017 kanë aplikuar për azil në një prej vendeve të Bashkimit Evropian, thotë raporti më i fundit i Zyrës evropiane të Azilantëve.
Ky numër është në rënie të ndjeshme në krahasim me 2016-në, kur aplikimet ishin 32 mijë. Shqiptarët janë të shtatët në listën e azilantëve në Evropë dhe të vetmit evropianë të listës së 10 vendeve të para.
Ajo që vihet re nga shifrat është fakti se është rritur ndjeshëm numri i shqiptarëve që aplikojnë për azil për motive të tjera, alternative deri diku dhe të panjohura më parë. Kështu, numri i atyre që aplikojnë për mbrojtje është ngjitur nga 150 në 2013, në 995 në 2017. Edhe numri i atyre që kanë aplikuar për status refugjati është trefishuar, nga 150 në 545, shkruan Scan.
Shqiptarët ndërkohë, duket se kanë një ndër normat më të ulta të pranimit të kërkesës për azil, në disa vende janë të parët.
Në Francë, kanë normën më të lartë mes shtetësive të tjera, plotë 29 për qind të kërkesave të pranuara. Nga ana tjetër, ndryshe nga kombësitë e tjera, shqiptarët kanë më shumë shanse të fitojnë në apel. /Telegrafi/