Në Maqedoninë e Veriut do të qëndrojnë forca të armatosura të shteteve të huaja – ka vendosur Qeveria e Maqedonisë së Veriut. Ata do të marrin pjesë në trajnimin e përbashkët “Joint Combined Exercise Training – 23”.
Ky trajnim, siç sqarojnë nga Qeveria, është pjesë e Planit bilateral për bashkëpunim për vitin 2023 ndërmjet Ministrisë së Mbrojtjes së Maqedonisë së Veriut dhe Ministrisë për Mbrojtje Nacionale të Shteteve të Bashkuara Amerikane.
“Forcat speciale të Ushtrisë së Republikës së Maqedonisë së Veriut me 12 pjesëtarë pjesëmarrës në aktivitet, në periudhën prej 20 gusht deri 1 shtator 2023 do të marrin pjesë në mënyrë aktive në përgatitjet dhe realizimin e trajnimit të përbashkët dhe në ushtrimin “Joint Combined Exercise Training – 23” në territorin e Maqedonisë së Veriut.
Në trajnim është paraparë pjesëmarrja e 10 pjesëtarëve nga forcat speciale të fuqive të armatosura të SHBA-ve dhe 12 pjesëtarë të fuqive të armatosura të Shqipërisë, me armatim, pajisje, automjete dhe mjete materiale – teknike. Lokacioni për pjesëmarrje në ushtrim do të jenë poligonet për trajnim dhe kazerma “Ilinden” – Shkup, “Strasho Pinxhur” – Petrovec dhe “Gjorçe Petrov” – Shkup”, qëndron mes të tjerash në njoftimin e Qeverisë.