Manovrat ushtarake ku marrin pjesë ushtarakë nga 15 vende, përfshirë dhe SHBA-të, filluan sot në Ukrainë, në një kohë që ushtria ruse po përgatitet të kryejë manovrat e saj në kufijtë e Bashkimit Evropian.
“Manovrat e përvitshme ‘Rapid Trident’ që zhvillohen deri më 23 shtator në Javoriv, një qytet në perëndim të Ukrainës, kanë mbledhur 2500 trupa, një numër i pazakontë”, njoftuan zyrtarët ukrainas të mbrojtjes në një komunikatë.
“Sot, mbështetja juaj është shumë e rëndësishme për ne. Eksperienca e kolegëve tanë është shumë e çmueshme për ushtrinë ukrainase”, deklaroi me këtë rast kolonel, Sergei Litvinov, i cili bashkëdrejton këto manovra.
Këto manovra kanë filluar disa ditë para manovrave “Zapad 2017” (Perëndim 2017) që do të zhvillohen në Rusi dhe në Bjellorusinë fqinje duke rritur shqetësimin e vendeve baltike dhe të Polonisë.