Vajza e vetme e artistit shqiptar Robert Aliaj, Gala Aliaj, sfidoi veten e saj këtë vit në spektaklin e madh “The Voice Kids”, në Gjermani.
14-vjeçarja i kaloi me sukses një pas një të gjitha fazat, ndërsa tani ka arritur në finalen e madhe të këtij spektakli.
Ajo në gjysmëfinale këndoi këngën e njohur “Stop The Flame”, të artistes së famshme Celeste.
Interpretimi i shkëlqyer i siguroi asaj finalen në këtë spektakël, i cili nisi me audicionet e fshehura rreth gjashtë muaj më parë.
Lajmin për këtë sukses, e ka bërë të ditur vet babai i Galës, Roberti, përmes një videoje të performancës së saj, të publikuar në rrjetin social Instagram.
“Sapo ndodhi, Gala kaloi në finale”, shkroi Aliaj në mbishkrimin e kësaj videoje.
Gala e shfaqi talentin e saj për herë të parë, kur performoi së bashku me të atin në spektaklin “Dance With Me”, në të cilin Roberti merrte pjesë si një nga gjyqtarët e panelit gjykues. /Telegrafi/