Komuna e Gjilanit është komuna e cila ka më së shumti raste të konfirmuara me COVID-19, në rezultatet e analizave të sotme të publikuara nga Instituti Kombëtar i Shëndetësisë Publike të Kosovës.
Në Gjilan 14 raste kanë rezultuar pozitive, ndërsa bëhet e ditur që të gjitha janë raste kontakti.
Sipas vendbanimit 6 raste janë konfirmuar në Përlepnicë, 5 në Gjilan, një në Velekincë, një në Cërnicë dhe një rast në Livoç të Epërm.
Po ashtu, IKSHPK ka njoftuar se në Prishtinë janë konfirmuar edhe katër raste me COVID-19, në Vushtrri 3 raste, dhe nga një rast në komunat e Kamenicës, Mitrovicës dhe Ferizajt.
“Rastet pozitive janë raste kontakti nga: komuna e Gjilanit 14 raste (sipas vendbanimit: 6 raste Përlepnicë, 5 raste Gjilan, 1 rast Velekincë, 1 rast Cërnicë dhe 1 rast Livoç i epërm), komuna e Prishtinës 4 raste (sipas vendbanimit: 4 raste Prishtinë), komuna e Vushtrrisë 3 raste (sipas vendbanimit: 2 raste Vushtrri dhe 1 rast Pestovë) dhe me nga 1 rast vendbanimet: Topanicë-Kamenicë, Mitrovicë dhe Talinoc i Jerlive – Ferizaj”, thuhet në njoftimin e IKSHPK-së.
Instituti Kombëtar i Shëndetësisë Publike të Kosovës (IKSHPK) ka njoftuar se sot janë konfirmuar 24 raste të reja me COVID-19, në vendin tonë duke çuar numrin e përgjithshëm të infektuarve në 919, kurse 14 pacientë janë shëruar sot. /Telegrafi/