Gjykata në Indi i ka dënuar me burgim të përjetshëm 11 persona për shkak të asaj që kanë bërë gjatë masakrës famëkeqe në vitin 2002 kundër myslimanëve në Gujarat.
Nga 24 personat e gjykuar, 12 janë dënuar me shtatë vite burg, ndërsa një me dhjetë vite burg.
Gjatë sulmit, 69 njerëz u masakruan dhe u dogjën nga turma.
Më shumë se 1 000 njerëz, shumica myslimanë, vdiqën në këto trazira nga shpërthimi i një zjarri në një tren i cili mbyti 60 pelegrinë hindu.
Kritikët e kryeministrit në atë kohë, Narendra Modi thonë se ai kishte ndenjur duarkryq gjatë zhvillimit të ngjarjeve.
Gjykata speciale në Ahmedabad e quajti incidentin si “ditën më të zezë në historinë e shoqërisë civile”.
Sidoqoftë, Zakia Jafri, gruaja e Ehsan Jafri, një politikan mysliman dhe formues i Kongresit, i cili është njëri ndër të vdekurit, ka shprehur zhgënjimin e saj në lidhje me dënimet e shqiptuara.
“Isha aty kur u vra Ehsan Jafri, kjo nuk quhet drejtësi aspak,” ka thënë ajo.
Të mbijetuarit e masakrës së Gulbarg-ut, thonë se ai u mundua që të qëllonte me armë për t’u vetëmbrojtur gjatë kohës kur turma po e sulmonte kompleksin.
Zonja Jafri ka thënë se burri i saj i kishte telefonuar zotëri Modit për ndihmë por ai kurrë nuk erdhi.
Modi e ka mohuar gjithnjë se ka pasur dorë në ngjarje dhe asnjëherë nuk ka kërkuar falje.
Gjithashtu, paneli i gjykatës supreme ka refuzuar që ta arrestonte në 2013, duke thënë se nuk kishte prova të mjaftueshme.
Dhuna u hetua nga policia e Gujaratit dhe nga një Ekip Special për Hetime të Pavarura(SIT), i zgjedhur nga gjykata supreme në 2008. Masakra e Gulbarg ishte njëra ndër dhjetë çështjet kyqe e hetuar nga SIT. /kp/