Pas suksesit të jashtëzakonshëm të konventës së parë të menaxherëve të shitjes të mbajtur një vit më parë në vendin tonë, duket se tashmë kjo po shndërrohet në traditë.
Edhe këtë vit në formë edhe më madhështore po organizohet konventa e dytë për shitje dhe komunikim “Suksesi është Qëllimi Yt” nga trajneri i famshëm i shitjes, Denis Gafuri.
Kjo konventë mbahet më 1 Nëntor në Hotel Venus në Prishtinë.
Organizimi I këtij eventi pritet të jetë madhështor dhe këtë vit pritet të jenë present folës me renome në botën e shitjes.
Folësit pritet të jenë nga Zvicra, Sllovenia, Shqipëria dhe Maqedonia si dhe shumë ndërmarrës e ekspertë të tjerë të suksesshëm vendor të cilët do të jenë të pranishëm për të shpalosur eksperienca dhe për të shfaqur modelet e suksesit të tyre.
Kjo konventë paraqet një mundësi ideale për vetpërmirësim duke marrë parasysh që një organizim i tillë është më se I nevojshëm për menaxherët e shitjes, të marketingut, resurseve humane, drejtorët ekezekutivë, sipërmarrësit dhe pronarët e kompanive, punonjësit e nivelit të lartë dhe të mesëm, profesionistët e udhëheqësit e ekipeve.
Konventa përmban momente të ndryshme relaksuse dhe befasi, sfida e diskutime bashkëpunuese të cilat do të ndikojnë në krijimine një baze dhe themelimin e një ideje që garanton suksesin e pjesëmarrësve në të ardhmen.
