“Një përzierje e rrezikshme e ngadalësimit të rritjes ekonomike globale me rritjen e çmimeve të ushqimeve në disa vende të botës kanë shkaktuar rritjen e njerëzve që jetojnë në varfëri ekstreme me rreth 100 milion në krahasim me vitin e shkuar”- tha drejtori i përgjithshem i FAO-s Jacques Diouf.
Rritja e papunësisë si dhe zvogëlimi i të ardhurave të personave që janë në punë si shkak i krizës ekonomike globale ka sjellë edhe rritjen e numrit të personave që nuk plotësojnë dot kërkesat e tyre për ushqim.
Shifra prej 1.02 miliard personash që nuk arrijnë dot të sigurojnë ushqimin përben thuajse 1/6 e popullsisë globale dhe rekordin historik të varfërisë ekstreme. /Telegrafi/tch/