Presidenti amerikan, Donald Trump, tha se Rusia nuk i është përmbajtur Traktatit mbi Forcat Bërthamore me Rreze të Mesme (INF), por shpreson se mund të arrihet një pakt më i mirë.
“Njëra anë nuk e ka respektuar. Ne e kemi bërë, por ana tjetër jo”, tha Trump për reporterët në Shtëpinë e Bardhë.
“Shpresoj se jemi në gjendje t’i mbledhim të gjithë në një dhomë dhe të bëjmë një traktat të ri që do të jetë shumë më i mirë, por të gjithë duhet ta respektojnë atë”, tha presidenti amerikan.
Trump insistoi gjithashtu se “SHBA-ja nuk mund të qëndrojë në dizavantazh”. /kp/Telegrafi/