“Nuk besoj se Cristiano Ronaldo ka nevojë për t’i bërë elozhe, të gjithë e dinë se ai është në nivelin më të larte”.
Kështu është shprehur mbrojtësi francez, Bacary Sagna, të shtunën në prag të finales së Euro-2016 ndaj Portugalisë. “Ai është nder lojtarët më të mirë në botë, për të mos thënë më i miri.
Është një lojtar i jashtëzakonshëm, por unë jam mësuar që të luaj gjithnjë përballë lojtarëve të mirë”, theksoi Sagna në një konferencë shtypi në Stade de France, transmeton AFP.
Franca, kampione e botes në 1998, ka fituar dy herë Euro, në 1984 më gjeneratën e Platinit dhe në 2000 më gjeneratën e Zidane.
Ndërsa Portugalia nuk e ka fituar asnjëherë, pavarësisht një finaleje në shtëpinë e vet të humbur në 2004 përballë Greqisë. Ndeshja finale do të luhet të dielën në orën 21.00 në Stade de France.