Kryetari i Komunës së Gjakovës, Ardian Gjini, sot ka pritur në takim një delegacion nga Fort Dodge, qytet me të cilin Gjakova është e binjakëzuar kohë më parë.
Në kuadër të kësaj miqësie, disa nga shkollat e Gjakovës sot kanë pranuar pajisje sportive të cilat sipas Rusty Buchanan, zv.president i Unionit Atletik të Amerikës, tha që do të shërbejnë jo vetëm për të zhvilluar sportin por për të punuar në ekip, në bashkëpunime të cilat në fushë kthehen në fitore.
Ndërsa kryetari Gjini ka falënderuar delegacionin nga Iowa dhe u shpreh që ky donacion nuk është vetëm material, por mbi të gjitha është një lidhje që vazhdon me Shtetet e Bashkuara të Amerikës.
“Këto pajisje sportive që i pranuam sot do të ndikojnë që edhe talenti ynë i fshehtë për sport të del në sipërfaqe”, u shpreh në fund kryetari Gjini. /kp/Telegrafi/