Ajo ka pasur një vit mjaft të vështirë në jetën e saj, për shkak të problemeve që kishte me mbidozën.
Por, të mërkurën, Demi Lovato, 27 vjeçe, ka hedhur një postim në llogarinë zyrtare, Instagram, ndërsa shfaqet me të dashurin e ri, Austin Wilson, në një ‘selfie’ para pasqyrës.
Këngëtarja e hitit “Heart Attack” postoi një fotografi bardh e zi të çiftit, duke ndarë një nga momentet e tyre më të lumtura me përshkrimin “Zemra ime”.
Austin gjithashtu ndau një imazh të vetes dhe Demi, duke kopjuar titullin e saj për postimin në Instagram.
Me flokët tërësisht rozë dhe i mbuluar me një numër të madh të tatuazheve, ai shihej duke i dhuruar një përqafim të ngrohtë të dashurës së tij.
Demi zbuloi identitetin e partnerit të saj të ri duke etiketuar llogarinë e tij në mediat sociale, por shumë pak dihet deri më tani për Austin, i cili rregullisht ndan imazhe në rrjetet sociale.
Austin është djali i George Wilson, një legjendë e skenës profesionale të skejtbord i cili tani është një projektues i xhinseve Denim.
Konfirmimi i marrëdhënies së re të Demi vjen vetëm disa javë pasi romanca e saj me Mike Johnson të Bachelorette kishte përfunduar. /Telegrafi/