Mesfushori italian Marco Verrati do të mungojë në Kampionatin Evropian, ka konfirmuar klubi i tij PSG.
Verratti do t’i nënshtrohet një operacioni që e lë atë jashtë fushave për disa javë.
“Marco Verratti, në pajtim me PSG-në, ka vendosur të operohet në ije. Operimi do të bëhet në Doha më 16 maj. Mesfushori do të mungojë për tetë javë”, thuhet në njoftim të klubit.
Si pasojë, Italia në Euro 2016 do të luajë pa Verrattin. Euro 2016 që mbahet në Francë nis më 10 qershor dhe zgjat deri më 10 korrik.