Vëllaznimi sezonin e ardhshëm do të bëjë garë në Superligën e Kosovës në futboll.
Skuadra gjakovare sot ka shkarkuar trajnerin e gjertanishëm Arsim Gojanin.
Kështu së paku shkruan në ueb-faqen zyrtare e klubit të kuqezinjve, transmeton Telegrafi.
‘FC Vëllaznimi me Gojanin kanë vendosur ta ndërpresin bashkëpunimin me marrëveshje. Kryetari dhe kryesia falënderon Gojanin dhe shtabin teknik për punën e deritanishme. FC Vëllaznimi shumë shpejt do të bëhet me trajner të ri”, shkruan në ueb-faqen e klubit.
Kujtojmë se Vëllaznimi sezonin e kaluar u shpall nënkampion në Ligën e Parë të Kosovës. /Telegrafi/
