Yaya Toure ka nënshkruar një marrëveshje të re njëvjeçare me Manchester Cityn, njofton klubi i Ligës Premier.
Toure ishte ngrirë nga ana e Pep Guardiolës në pjesën e parë të 2016-17, pas një përplasje midis menaxherit dhe agjentit të lojtarit Dimitri Seluk, por ai është kthyer nga nëntori dhe ka zhvilluar ndeshje të rëndësishme për klubin nga Manchesteri.
Megjithatë, kontrata e tij skadonte këtë verë dhe është përfolur shumë për një largim të tij nga Etihad Stadium, por tani ka ndodhur e kundërta dhe Toure ka nënshkruar një marrëveshje të re një vjeçare.
Toure ka qenë me City që nga viti 2010, duke i ndihmuar ata të fitojnë dy tituj të Ligës Premier, Kupë FA dhe dy Kupa të Ligës.
Pas vazhdimit të kontratës, sikurse Toure ashtu edhe drejtuesit e Cityt janë ndarë të kënaqur. /Telegrafi/