Monaco ka konfirmuar zyrtarisht caktimin e Thierry Henryt në detyrën e trajnerit të klubit.
Henry do të marrë hapat e parë si trajner te klubi ku e filloi karrierën. Ai ka nënshkruar kontratë tre vjeçare.
Legjenda e Arsenalit kështu plotëson një ëndërr të kahmotshme të rikthimit te klubi i principatës.
“Fillimisht, dua të falënderoj Monacon që më dha mundësinë të drejtoj klubin që është shumë i veçantë për mua”.
“Jam shumë i lumtur që po kthehem te Monaco dhe tejet i përkushtuar për sfidat që po vijnë. Mezi pres t’i takoj lojtarët dhe të punojmë së bashku”, u shpreh Henry.
#HesComingHome #ForeverMonaco pic.twitter.com/GuSYXnMt4u
— AS Monaco EN (@AS_Monaco_EN) October 13, 2018
Henry ka punuar më parë përkrah ish-bosit të Evertonit, Roberto Martinez në kombëtaren e Belgjikës. Ata arritën së bashku vendin e tretë në botërorin, Rusia 2018.
Thierry Henry prej kohësh konfirmoi rikthiomin si trajner, e madje ishte edhe kandidat për postin e trajnerit të Arsenalit. /Telegrafi/