Zyrtare: Thiago Motta është trajner i Genoas

Genoa e ka angazhuar edhe zyrtarisht Thiago Mottan në postin e trajnerit, ndërsa ish-mesfushori italian është përfshirë menjëherë në stërvitjen e parë të skuadrës.

Më herët gjatë të martës, klubi e ka shkarkuar Aurelio Andreazzolin, ndërsa disa orë më pas mediat raportuam për angazhimin e Mottas, i cili ka luajtur për Rossoblu në sezonin 2008/2009.

Lexo po ashtu Thiago Motta, drejt emërimit si trajner i Genoas

37-vjeçari ka lindur në Brazil, mirëpo e ka përfaqësuar Italinë duke regjistruar 30 paraqitje dhe i ndihmoi përfaqësueses që të kualifikohej në finale të ‘Euro 2012’.

Ai u pensionua nga futbolli profesionist në fund të sezonit 2017/2018, ndërsa në edicionin e kaluar ishte trajneri ekipit U-19 të Paris Saint-Germainit.

Barcelona, Atletico Madridi, Interi e PSG, janë disa prej klubeve të mëdha, në të cilat ka luajtur Motta gjatë karrierës së tij, ndërsa e ka fituar të tria kampionatet e përmendura, si edhe Ligën e Kampionëve. /Telegrafi/