Lugano ka bërë të ditur se kanë transferuar zyrtarisht Shkëlqim Vladin.
Lojtari shqiptar që ka luajtur për Aarau, ka nënshkruar kontratë katërvjeçare me klubin zviceran.
“Menaxhmenti i FC Lugano SA ka kënaqësinë të njoftojë nënshkrimin nga FC Aarau (Ten Challenge League) të sulmuesit me nacionalitet të dyfishtë kosovar dhe zviceran, Shkelqim Vladi (21.09.2000)”, thuhet fillimisht në njoftimin e tyre.
“Me klubin, Vladi ka nënshkruar një kontratë katërvjeçare të vlefshme nga 1 korriku 2023 (që skadon më 30 qershor 2027)”.
“I lindur në Thun, i stërvitur në akademinë e të rinjve të BSC Young Boys, qendërsulmuesi 22-vjeçar luajti për Yverdon-Sport FC në pjesën e parë të sezonit 2020-21 (18 paraqitje, 2 gola), përpara se të transferohej në FC Aarau, ku në raundin e dytë shënoi 4 gola (10 paraqitje)”.
“Sezonin e kaluar, në Brügglifeld me skuadrën Aargau, ai shënoi 15 gola në 25 paraqitje. Në përgjithësi, ai arrin në Cornaredo me 53 ndeshje në dy sezone të Challenge League, me një numër personal prej 21 golash dhe 5 asistimesh”, thuhet më tej në komunikatën e Luganos. /Telegrafi/
⚪️⚫️ 𝐁𝐞𝐧𝐯𝐞𝐧𝐮𝐭𝐨 𝐒𝐡𝐤𝐞𝐥𝐪𝐢𝐦 ⚽️ L’attaccante classe 2000 arriva a titolo definitivo dall’Aarau 🤝 Ha firmato un contratto quadriennale valido dal 1º luglio 🔥#fclugano #lugano #FCL #Vladi #Aarauhttps://t.co/LN0hmhV4MV
— FC Lugano (@FCLugano1908) June 23, 2023