Zyrtare: PSG blindon portierin Areola

Alphonse Areola ka nënshkruar kontratë të shumë vjeçare re me Paris Saint-Germain.

Portieri francez ishte në vitin e fundit të kontratës së tij me klubin parisien.

Rinovimi i tij nuk po vinte pasi Areola ka mbetur si zgjedhje e dytë pas transferimit të Gianluigi Buffonit.

Lexo po ashtu Areola zëvendësues i Handanovicit te Interi

Këtë situatë u munduan shumë klube evropiane të shfrytëzojnë për ta transferuar Areolan.

Megjithatë, tani gjithçka ka marrë fund pasi portieri dhe drejtuesit e klubit nga Parc des Princes janë pajtuar për vazhdimin e kontratës.

Kështu, Areola ka nënshkruar kontratë të re për pesë vite me PSG-në, e cila e mban në klub deri në verën e vitit 2023.

“Njeri i një klubi nënshkruan deri më 2023”, thuhet në njoftimin e PSG-së në Twitter.

Ndryshe, Areola është akademi e PSG-së dhe nga dalja në ekipin e parë ka pasur plot 196 paraqitje në të gjitha garat. /Telegrafi/