Mesfushori shqiptar, Migjen Basha do të vazhdojë karrierën në kampionatin elitar australian tek skuadra Melbourne Victory.
Basha para disa javësh njoftoi pensionimin e tij nga futbolli i luajtur me Kombëtaren Shqiptare, por jo edhe me skuadrat.
Pas largimit nga Arisi, Basha tashmë është transferuar në Australi tek skuadra e Melbourne Victory, ku në të kaluarën karrierë ka bërë edhe sulmuesi Besart Berisha.
Është vet klubi australian ai që ka njoftuar zyrtarizimin e transferimit tyre të ri.
“Melbourne Victory ka forcuar sot mesfushën e saj me nënshkrimin e reprezentuesit shqiptar me përvojë, Migjen Basha, në një marrëveshje dy-vjeçare”.
“Basha, i cili ka 33 paraqitje për vendin e tij, bashkohet me klubin pasi kaloi sezonin e kaluar me skuadrën greke, Aris Selanik”.
“Nënshkrimi i tij kompleton forcimet ndërkombëtare të Victory për sezonin 2019/20”, shkruan në njoftimin e Melbourne Victory. /Telegrafi/
