Futbollisti shqiptar, Florian Hoxha do të vazhdojë të jetë pjesë e futbollit zviceran pasi ka rinovuar kontratën me Grasshoppers për dy vjet shtesë.
Marrëveshja e re do ta mbajë atë në radhët e klubit të njohur zviceran deri në verën e vitit 2026.
Hoxha është lojtar i Grasshopper që nga mosha 13-vjeçare, duke u ngritur përmes radhëve të skuadrës së të rinjve deri në vitin 2015.
Si mbrojtës i majtë, ai është bërë pjesë e ekipit të parë që nga viti 2021, dhe gjatë edicionit aktual ka bërë 20 paraqitje në superligën zvicerane.
Në moshën 23 vjeçare, Hoxha ka treguar se është një lojtar i vlerësuar në Kosovë, duke pasur pesë paraqitje me ekipin kombëtar U21.
Ky angazhim i ri me Grasshoppers tregon besimin e klubit në potencialin dhe zhvillimin e tij si futbollist. /Telegrafi/
