Derbi i famshëm belg mes Genkut dhe Anderlechtit, do të luhet nga fillimi për shkak të gabimeve nga dhoma e VAR-it dhe pas ankesës që bëri klubi i dëmtuar.
Një trup disiplinor e ka hedhur poshtë humbjen e Genkut me rezultat 2-1 ndaj Anderlechtit në kuadër të Ligës Pro në Belgjikë muajin e kaluar, pasi është dëshmuar se gjyqtarët nuk kanë vepruar sipas rregullave të lojës.
Incidenti në fjalë ndodhi në minutën e 23-të më datë 23 dhjetor, kur porteri vendas Kasper Schmeichel, priti penalltinë e Bryan Heynan dhe më pas Yira Sor shënoi nga topi i kthyer.
Pamjet e përsëritura shfaqën se Sor kishte qenë brenda zonës së rrezikshme teksa Heynan po përgatitej për të goditur topin, duke bërë që VAR të rekomandojë gjyqtarin Nathan Verboomen se goli duhet të anulohet dhe një goditje dënimi të akordohet për Anderlechtin.
🚨 The Genk-Anderlecht game which was played on the 23rd December 2023 will be REPLAYED. 🤯🇧🇪
The reason is because a huge VAR penalty error and Genk took this to court and won the case! pic.twitter.com/8YvrcYAJf6
— Football Tweet ⚽ (@Football__Tweet) January 26, 2024
Sidoqoftë, sipas rregullave të lojës, ky rast duhet të kishte rezltuar me ripërsëritje të penalltisë për Genkun.
Anderlecht më pas shënoi në minutën e 91-të golin e fitores përmes Anders Dreyer.
Trupi i gjyqtarëve belg kanë pretenduar se incidenti kishte qenë një gabim i VAR-it dhe jo një shpërfillje e rregullave të lojës dhe refuzuan ripërsëritjen. Genk e apeloi vendimin në Këshillin Disiplinor të Futbollit Profesional, i cili e rrëzoi këtë vendim sot (e premte).
Një rast i ngjashëm në Ligën Premier ndodhi vitin e kaluar, kur me të përfunduar ndeshja Tottenham – Liverpool, u kërkua që ndeshja të riluhej përsrëi për shkak të gabimeve evidente të dhomës së VAR-it, kërkesë kjo që nuk u realizua./Telegrafi/
