Bayern Munich e ka konfirmuar blerjen e Kingsley Coman nga Juventusi.
Anësori ishte në huazi sezonin shkuar në marrëveshje për dy vite në vlerë prej 8 milionë euro, ndërsa klubit gjerman iu deshën të paguajnë edhe 21 milionë euro tjera që ta blejnë përfundimisht francezin.
“Liderët e Bundesliga kanë rënë dakord me Juventus për blerjen e Kingsley Coman”.
“Francezi 20 vjeçar ishte në huazim te Bayerni nga Juventusi që nga viti 2015. Coman ka nënshkruar kontratë deri më 6 qershor të vitit 2020”, shkruhet në komunikatën e klubit.
Edhe drejtori i përgjithshëm i bavarezëve, Karl-Heinz Rummenigge, e ka komentuar marrëveshjen.
“Kingsley Coman është një lojtar shumë i rëndësishëm për të ardhmen dhe klubi ka vendosur që ta vlejë”.
“Ai është lojtar me potencial të madh. Jemi të bindur që ai do të na ndihmojë shumë në vitet e ardhshme”, ka thënë Rummenigge. /Telegrafi/
